Quen constitúe o Persoal de Investigación?
O persoal investigador e técnico de apoio en actividades e programas de I+D+i , tamén coñecido como Capítulo VI, está formado polo persoal da Universidade contratado con cargo a actividades de I+D+i. Este persoal defínese pola procedencia do financiamento para pagar o seu salario, normalmente asociada as actividades I+D+i . Estes traballadores poden desenvolver labores investigadoras, técnicas ou administrativas
Cantos somos?
Segundo as estadísticas da USC, en decembro do 2023 había en torno a 1205 persoas contratadas con cargo a proxectos de investigación
Programa, accións e representantes
- Representantes de CCOO para o persoal contratado con cargo a proxectos de investigación
- Programa electoral de CCOO
- Propostas presentadas ao Comité Intercentros
Principais propostas para o Persoal de Proxectos e Programas de Investigación
O obxectivo fundamental a respecto do Persoal de Investigación foi negociar a regularización das súas condición laborais. Unha vez logrado isto, materializado no acordo sobre a clasificación profesional e as condicións retributivas do persoal investigador e do persoal de apoio á investigación, seguimos loitando para mellorar a situación deste colectivo. As nosas propostas son:
- Negociación da carreira horizontal para todo o persoal de investigación
- Actualización automática dos trienios (sen ter que solicitalos cada vez que se cumpren)
- Extensión de melloras sociais: gratuidade de matrícula nas universidades do SUG, matrícula no CLM, etc.
- Acceso aos programas e plans de formación ampliando a oferta ás necesidades formativas dos postos
- RPT de persoal de investigación con identificación de prazas estruturais que deben ser incorporadas no Capítulo I
Ver o programa específico de Persoal de Proxectos e Programas de Investigación
