Matricúlate na universidade pública - CCOO Ensino - Federación de Ensino de CCOO de Galicia

A túa mellor opción

Cos mellores profesionais e recursos

As universidades públicas dispoñen de importantes recursos e medios para a docencia, a investigación e a transferencia do coñecemento.
O seu profesorado imparte a mellor docencia, ao estar vinculada de forma directa coa súa actividade investigadora. A práctica totalidade das figuras dedican a súa actividade profesional de forma exclusiva á docencia e a investigación.
O persoal técnico, de xestión e de administración e servizos ten unha alta cualificación e especialización.
Seleccionan con rigor a todo o seu persoal mediante procesos de contratación pública con esixentes criterios de acceso.

O seu sistema de goberno garante a presenza nos seus órganos de todos os estamentos (profesorado, persoal investigador, alumnado e persoal de administración e servizos), que participan igualmente na súa xestión.
Teñen unha estrutura democrática que incentiva a participación do alumnado nos diferentes ámbitos da vida universitaria.
Conta con plans de igualdade, convivencia e contra o acoso nas súas diferentes modalidades (laboral, de xénero, por razón de sexo, etc.) consolidados no tempo.
En boa parte das universidades públicas aprobáronse códigos éticos.
Garante a defensa dos dereitos e liberdades do conxunto da comunidade universitaria, mesmo a través de figuras institucionais (Defensoría Universitaria).

A súa oferta formativa está recoñecida pola Axencia Nacional de Avaliación da Calidade e Acreditación (ANECA) e o seu profesorado é acreditado por esta.
Son títulos oficiais aprobados pola ANECA e recoñecidos internacionalmente, polo que son validables se vas traballar ou continuar a túa formación fóra de España, o que non sempre ocorre coas titulacións das universidades privadas.
A maioría das universidades públicas manteñen relaciones entre elas e con universidades doutros países formando parte de iniciativas internacionais de cooperación universitaria, polo que ofrecen unha mellor oferta formativa e favorecen a mobilidade do seu alumnado.
As universidades públicas teñen un prestixio gañado grazas aos seus anos de traxectoria dedicados ao ensino e a investigación. Entre as 50 mellores universidades españolas, case todas son públicas, con especial diferenza en investigación, transferencia do coñecemento, orientación internacional, desenvolvemento rexional, innovación e desenvolvemento tecnolóxico en relación coas privadas.
A universidade pública é a mellor valorada polo alumnado.
A súa calidade atrae cada curso académico un maior número de estudantes doutros países.
En 2025, no «URanking universidades españolas» da Fundación BBVA, 19 das 20 primeiras universidades avaliadas pola súa actividade global e por investigación e innovación son públicas.

A universidade pública é un motor esencial de cambio social, xerador de coñecemento e progreso económico, científico e tecnolóxico.
Presta un servizo público de calidade.
É un modelo de universidade autónoma, garante da independencia científica e académica, onde o seu profesorado exerce con liberdade de ensinanza.
Fomenta a colaboración académica e investigadora, o que beneficia o seu alumnado.
Finánciase principalmente a través dos orzamento públicos. Por esa razón, estudar nunha universidade pública é economicamente máis accesible (entre tres e vinte veces máis económico) ca nunha privada, que se financia principalmente cos prezos da matrícula, as achegas da familias e doazóns privadas.
Ofrece unha formación básica, polivalente e crítica, elemento indispensable para acceder a un saber complexo e especializado, co que melloran as capacidades persoais e a empregabilidade, ao se adaptar mellor ás necesidades cambiantes da sociedade.
A xestión da universidade pública está sometida a controis internos e externos que buscan garantir o cumprimento dos seus obxectivos docentes e de investigación, de xestión e da súa función como servizo público.

O seu alumnado realiza prácticas nas empresas públicas e privadas.
Ofertan o 90 % do mapa de titulacións nacional, o que abre e incrementa as posibilidades de elixir a opción desexada, así como o traslado interno ou cambio de titulación.
A investigación e xeración de coñecemento é un elemento esencial da súa actividade, o que reverte nunha docencia máis actualizada e na posibilidade de desenvolver unha carreira investigadora.
Ofrecen unha formación máis ampla en diversas áreas do coñecemento.
As universidades públicas imparten docencia en distintos idiomas.
Desenvolven unha ampla política social de bolsas e axudas ao estudo.
Ofrecen maiores posibilidades ao alumnado para deseñar o seu currículo formativo desde os estudos de grao.
Están presentes en todas as comunidades autónomas e contribúen ao desenvolvemento social e económico territorial.
Favorecen o desenvolvemento e a autonomía persoal do alumnado.
Non existen diferenzas significativas na empregabilidade do alumnado egresado das universidades públicas e as privadas.