Síguenos en redes sociais:

Persoal Docente e Investigador da USC

Programa, accións e representantes

Por unhas condicións de traballo mellores, Plan Plurianual:

Para este novo mandato xa temos deseñado, e mesmo comunicado a todo o persoal, unha estratexia, un Plan plurianual para o PAS do que xa reclamamos a súa negociación ao actual equipo de goberno nada máis tomar posesión.
Este Plan plurianual supón retomar as nosas demandas de mellora que non chegaron a facerse efectivas no anterior mandato; pero que deberán concretarse agora obrigando ao novo equipo de goberno a facer fronte aos seus compromisos electorais co persoal.

Eixos do Plan Plurianual:

Estabilización de prazas de interinos
Desenvolvemento carreira profesional para o PAS
Plan de promocións para laborais e funcionarios
Reordenación de prazas e categorías
Convenio Colectivo para persoal de Proxectos
Completar a equiparación salarial e posta en marcha da Mesa sectorial no ámbito do Sistema Universitario Galego (SUG)

Principais propostas para o Persoal Docente e Investigador:

O noso compromiso foi, é e será a defensa da universidade pública de calidade mediante a reivindicación do polinomio: financiamento público adecuado, mellora das condicións laborais e desenvolvemento de carreira profesional para o PDI e o PAS, equidade no acceso ao ensino superior en todos os seus niveis e rendición de contas á sociedade.

Os Reais Decretos dos recortes seguen vixentes e supuxeron para o persoal das universidades, precarización, cambios e diminución dos salarios, redución progresiva do persoal PAS e PDI, proliferaron os substitutos en PDI ou o persoal eventual en PAS ou persoal con dedicación e tempo parcial, ou o problema da taxa de reposición.