Relación laboral

A Lei orgánica 2/2006, do 3 de maio, de educación, na súa disposición adicional terceira, establece que o profesorado que, non pertencendo aos corpos de funcionarios docentes, imparta a ensinanza das relixións nos centros públicos farao en réxime de contratación laboral, coas respectivas Administracións competentes de conformidade co Estatuto dos traballadores.

Neste real decreto establécese que os profesores de Relixións non pertencentes aos corpos de funcionarios docentes que, á entrada en vigor do real decreto, estivesen contratados pasarán automaticamente a ter unha relación laboral por tempo indefinido, agás os que tiveran un contrato para substituír o titular da relación laboral.

Normativa

• REAL DECRETO 696/2007, do 1 de xuño, polo que se regula a relación laboral dos profesores de relixión prevista na disposición adicional terceira da Lei Orgánica 2/2006, do 3 de maio, de Educación (BOE 09/06/2007)
• Orde do 17 de xullo de 2007 pola que se regula a relación laboral do profesorado de relixión e se ditan instrucións relativas á provisión de postos (DOG 24/07/2007)