CCOO Ensino reafírmase como primeira forza nas eleccións sindicais do Sistema Universitario de Galicia

‌Infórmate dos resultados provisionais detallados

A Xustiza volve condenar a USC e ínstaa a negociar cos sindicatos as achegas ao plan de acción social

A Sala do Social do Tribunal Superior de Xustiza de Galicia (TSXG) volve condenar a Universidade de Santiago de Compostela (USC) a negociar cos sindicatos as achegas ao plan de acción social do persoal de administración e servizos (PAS) con vínculo laboral. Este colectivo está formado por unhas 543 persoas, segundo recolle a sentenza. Agora, o alto tribunal dálle á Universidade un prazo de 30 días para abrir un proceso negociador no que se acorden as contías do dito plan para o exercicio 2021.

CCOO reclama da USC que desista da intención de nomear funcionarios interinos no ámbito de proxectos

Sen financiamento estrutural e persoal adecuados non hai futuro para a universidade pública

Nas reunións que está a celebrar o Ministerio de Universidades cos diferentes actores da comunidade universitaria e, en concreto, nas que participa CCOO (as dúas últimas celebráronse o 13 e o 18 de outubro), o sindicato criticou que o anteproxecto de Lei Orgánica do Sistema Universitario (LOSU) non contemple unha memoria económica específica, explícita e suficiente, que garanta os gastos que necesariamente conlevan a adaptación e estabilización dos cadros de persoal para cumprir coa erradicación da precariedade do profesorado universitario. Tampouco se observa unha política proactiva para reverter os recortes sufridos na última década, de máis de 1.400 millóns de euros. Así, non será posible a modernización da universidade española, a dignificación das condicións laborais do seu persoal, ou o acceso de todos os cidadáns e as cidadás á educación superior en equidade, coa diminución drástica ou gratuidade de prezos públicos. 

Manifestación en Santiago de Compostela da Plataforma Galega en Defensa da Universidade Pública o sábado 12 de xuño ás 12:00

• Este sábado acode á manifestación en Santiago de Compostela na Alameda de Santiago ás 12:00 horas
• CCOO Ensino, contra a creación dunha universidade privada en Galicia

USC. Avances importantes para o PAS: modalidade ordinaria de teletraballo e novo permiso de ata catro días sen necesidade de baixa médica

• O Consello de Goberno da USC acaba de validar dous acordos relevantes, aos que se chegou non sen esforzo na Mesa xeral de negociación de PAS, e que supoñen a consecución de dous puntos importantes cos que CC.OO. nos presentaramos ás pasadas eleccións sindicais.   

Concentracións 2 de xuño da Plataforma Galega en Defensa da Universidade Pública rexeita a universidade privada de Abanca

Concentracións, día 2 de xuño nos 7 campus, ás 11:00 horas

Concentración diante do Parlamento en defensa da Universidade Pública Galega

CCOO Ensino, contra a creación dunha universidade privada en Galicia

CCOO-Ensino e a Plataforma Galega en Defensa da Universidade Pública rexeitan o informe favorable do Ministerio a prol da creación da primeira universidade privada galega

A Plataforma Galega en Defensa da Universidade Pública á que pertence CCOO-Ensino quere facer público o seu rexeitamento á decisión do Ministerio de Universidades de informar favorabelmente a creación da primeira universidade privada galega. O informe do Ministerio dirixido por Castells favorece a vontade da Xunta de entregarlle a Abanca un novo agasallo en forma de universidade privada que entra a romper un Sistema Universitario Galego (SUG) totalmente público.