Xa podes participar na segunda edición do Barómetro Internacional de Saúde e Benestar do Persoal Educativo
A Internacional da Educación, en colaboración coa Rede Educación e Solidariedade e a cátedra Unesco de Educación e Saúde, puxeron en marcha en 2021 o primeiro Barómetro Internacional de Saúde e Benestar do Persoal Educativo. Este ano lánzase a segunda edición deste Barómetro na que participarán 13 países, entre eles España (coordinado pola Federación de Enseñanza de CCOO).
O obxectivo é recompilar datos sobre as condicións de traballo, a saúde física e mental, o equilibrio entre a vida laboral e persoal, así como o impacto das ferramentas dixitais en docentes e persoal de apoio educativo, tanto de centros públicos como privados concertados. A saúde e o benestar do persoal educativo é fundamental para garantir unha educación de calidade.
Enche este cuestionario anónimo para que a saúde e o benestar sexan unha prioridade para as administracións educativas.
A túa opinión importa!
