CCOOENSINO esixe o desenvolvemento da lei 2/2014 de igualdade de trato e non discriminacion LGTBI e a implementación real de protocolos para xs menores e xs traballadorxs trans no eido educativo

Desde o ano 2009, todos os 31 de marzo celébrase o día internacional da visibilidade trans. CCOOENSINO non quere deixar pasar unha data tan sinalada sen aportar o seu gran de area a unha efemérides de tanto calado como esta e esixir a necesidade de avanzar nas estratexias educativas que promovan unha educación igualitaria para todas as persoas, pondo énfase nos dereitos das persoas trans+.

Este ano transcorrido foi un ano agridoce para os dereitos das persoas trans. Por unha banda a continuidade no desenvolvemento de leis xurídicas, na defensa dos seus dereitos, como foron o proxecto de lei estatal que se presentou no Congreso dos Deputados para a súa aprobación, que segue pendente, na cal valoramos positivamente a preocupación respecto da problemática no ámbito laboral, onde nos atopamos taxas de ata o 80% de desemprego vinculadas ao colectivo trans , o cal pode conllevar situacións de exclusión social e economía informal. Tamén se ocupa esta lei do ámbito educativo, xa que establecerá en caso de aprobación, currículos educativos que permitan aos menores trans desenvolverse en liberdade, respectando os seus dereitos fundamentais. No eido autonòmico CCOOENSINO esixe o desenvolvemento da lei 2/2014 de Non discriminacion LGTBI e a implementación real de protocolos para xs menores e xs traballadorxs trans no eido educativo e que esta non se quede en papel mollado e nunha mera declaración de intencións.

Pero tamén en 2018 vivimos momentos amargos para o colectivo Trans, xa que coñeciamos a noticia do suicidio do estudante menor  de idade Ekai, debido aos impedimentos que sufriu de xeito reiterado para acceder ao tratamento adecuado. Pero a vinculación a probas médicas e o atraso das mesmas en pleno desenvolvemento da pubertad puido con este alumno. Desde CCOOENSINO queremos renderlle unha sincera homenaxe, coa esperanza de que sexa a última vítima da tendencia patologizante da administración pública.

CCOO ENSINO apoia sen condicións os dereitos laborais e sindicais do colectivo trans, aos menores trans que se atopan dentro do ámbito educativo e a todas as persoas profesionais dese ámbito que traballan por facer un mundo máis xusto, tanto para os menores trans, como para calquera persoa, sen esquecer a dramática situación que están a vivir as persoas trans noutros lugares do mundo

Comparte o que pensas