A Federación de Enseñanza de CCOO e Wellington Learning Internacional chegaron a un acordo para ofrecer a posibilidade de estudar inglés con grandes descontos para a afiliación.
A firma deste acordo ofrece a posibilidade de acceder á oferta de tres cursos on-line, cun 70% de desconto para afiliación e os seus familiares.
Cursos ofertados:
· Curso para Principiantes: é o curso perfecto para aprender inglés desde o principio. De forma amena e mediante o visionado de vídeos, adquirirás os coñecementos necesarios para establecer unha base sólida no teu estudo, ademais de coñecer en profundidade os exames para certificar A1/A2.
· Curso Nivel Intermedio: axudarache a preparar de forma efectiva os niveis B1/B2/First Certificate do marco europeo de referencia para as linguas.
· Método exclusivo ColourPhonics : achégache a aprendizaxe da fonética inglesa usando a cor como ferramenta didáctica. Os símbolos do Alfabeto Fonético Internacional axudaranche a levar a túa comprensión ao seguinte nivel.
Os alumnos/as poden seguir a formación ao ritmo que mellor se adapte ás súas necesidades, ao longo dos 12 meses de vixencia das claves de acceso, desde a data de inicio do curso, tamén para os cursos homologados. O desenvolvemento desta formación utiliza unha metodoloxía eminentemente práctica: por cada unha das 30 unidades das que consta o curso realízanse as seguintes actividades:
– Visualización e estudo de vídeos explicativos.
– Gravación da voz do alumno/a para practicar a pronuncia.
– Estudo e comprensión do material de soporte adxunto.
– Realización de dous test de tradución e listening do vocabulario.
– Realización de dous test de tradución e listening de frases con gramática aplicada.
Os cursos están homologados para obter a acreditación por parte do Ministerio de Educación Formación Permanente do Profesorado para docentes.
Data dos cursos Homologados para docentes:
· A1/A2: do 15 de setembro ao 17 de novembro, 100 horas.
· B1/B2: do 15 de setembro ao 17 de novembro, 100 horas.
· ColourPhonics : do 17 de outubro ao 17 de novembro, 50 horas.
Toda a información e a inscrición aos cursos están na páxina https://www.wellington-fe-ccoo.com/, atoparemos tamén unha proba de demo.