O 18 de maio de 2023 produciouse unha nova reunión da mesa negociadora do XIII Convenio colectivo de centros de asistencia e educación infantil. Abordáronse dous temas principais: a xornada laboral e a incapacidade temporal.
En canto á xornada laboral, dende CCOO demandamos a redución da xornada semanal e anual para mestras, educadoras e resto do persoal. Tamén propoñemos reservar un 15% da xornada para tarefas non lectivas. As organizacións patronais renuncian á súa proposta de incrementar a xornada pero non aceptan o resto de cuestións propostas por CCOO.
En relación á incapacidade temporal, en CCOO argumentamos que as baixas laborais non son elixidas polas traballadoras, senón que son emitidas por médicos debido a razóns de saúde. Propoñemos crear unha comisión de estudo para analizar as causas e a duración das baixas no sector. As organizacións patronais ofrecen cambios no artigo existente, limitando o número de baixas anuais complementadas e aceptando parcialmente a proposta de CCOO para accidentes laborais e enfermidades profesionais.
Dende CCOO amosamos a nosa vontade de seguir negociando e propoñendo reformas estruturais no convenio colectivo para mellorar as condicións laborais. Tamén queremos destacar o papel das traballadoras do sector nas mobilizacións. Iniciaremos accións máis contundentes e chamaremos á unidade sindical no momento en que se intente bloquear ou distorcer a negociación.